د پلټنې عالي ادارې له لوري د لوړو زده کړو په وزارت کې د پلټنې د پای ته رسیدلو غونډه تر سره شوه
دپلټنې عالي ادارو د نړیوالو معیارونو (ISSAIS) له مخې، د ۱۴۰۰لمریز کال د وري د میاشتې په دریمه نیټه، د لوړو زده کړو په وزارت کې د پلټنې ګمارل شوي پلاوي له لورِ دپلټنې دپروسې دپای ته رسیدلو غونډه، د هیواد د لوړو زده کړو وزارت وزیر ښاغلی داکټر عباس بصیر، دیاد وزارت مالي او اداري معین ښاغلی نور احمد درویش، او د پلټنې عالي ادارې د پوهنې، روغتیا او فرهنګ سکټور د پلټنې ریاست رئیس ښاغلی عبدالاحد قیومی، په حضورداشت سره تر سره شوه.
د غونډې په پیل کې ښاغلی قیومي د لوړو زده کړو وزارت کې د پلټنې د ترسره کیدلو او بشپړیدلو په پروسه کې له همکاریو څخه مننه وکړه اوهمدارنګه پدې لړ کې د مسودې پر موندنو باندې څرګندونې او خبرې اترې وکړې. ورپسې د هیواد د لوړو زده کړو وزیر دپلټنې عالي ادارې د پلټونکو له لوري د پلټنو د ترسره کولو له څرنګوالي څخه مننه وکړه او ژمنه یې څرګنده کړه تر څو د پلټنې عالي ادارې د پلټنې په راپورکې ټولې راغلې سپارښتنې پلې او تطبیق کړي .
