د پلټنې عالي ادارې د روڼتیا، حساب ورکونې او د ولس او ادارو ترمنځ د اعتماد د راوستلو په موخه مشارکتي پلټنې پیل کړي دي. پدې پلټنو کې د پلټنې عالي ادارې پلټونکي او د مدني ټولنو استازي په ګډه توګه په مراجعو کې پلټنې ترسره کوي.

د مشارکتي پلټنو عمده موخه، د ښاریانو د افکارو او نظرونو داخلول د پلټنو په پروسه کې ده ځکه چې د مدني ټولنې استازي د ټولنې له هر ګوډ څخه استازیتوب کوي. د پلټنو په پروسو کې د دوي ګډون دا فرصت رامنځته کوي تر څو خپل افکار او نظرونه د پلټنې په برخه کې د لا پیاوړتیا او روڼتیا په اړه څرګند کړي او له کیفیت او روڼتیا څخه یې ډاډ تر لاسه کړي. چې له یوه پلوه د پلټنو په پروسو د خلکو اعتماد زیاتیږي؛ او له بل پلوه د پلټنو چارو د سمون په برخه کې اغېزمن تمامیږي.

د یادوني وړ ده چې مدني ټولنې، رسنۍ او ښاریان د هغو موضوعاتو او مسایلو په اړه چې د پلټنې ایجاب کوي، کولي شي په آنلاين او لیکنې بڼه دشکایتونو د فورمې دثبتولو او د شکایتونو صندوق له لارې، خپل شکایتونه ولیکي، ترڅو ورته رسېدنه وشي.