دملکي خدمتونو ادارو کې د ښځو دګډون د ډیروالی پالیسۍ د پلټنې عالي ادارې کارکوونکو لپاره معرفی شوه
آغلې وحیده عزیزي، د اداري اصلاحاتو او ملکي خدمتونوکمیسیون دملکي خدمتونوپه ادارو کې دښځو دګډون د ډیروالی پالیسۍ څخه دڅارنې آمر، نن دوشنبه د۱۴۰۰لمریز کال دغبرګولي په دریمه نیټه، دیادې پالیسۍ په اړه یې د پلټنې عالي ادارې کارکوونکو ته بشپړ معلومات ورکړل.
دهیواد د ملکي خدمتونو ادارو کې د ښځو د ګډون د ډیروالی پالیسۍ چې پر دریو عمده موضوعګانو باندې په دولت کې د ښځو د مشارکت ډیروالی، د ښځو لپاره دیو خوندي کاري چاپیریال را منځته کول او د نارینه ومعادل د ښځو لپاره دکاري آسانتیاو چمتوالي باندې ټینګار لري، چې دلومړي ځل لپاره دهیواد دلومړۍ میرمنې له خوا مطرح شوې ده او د اداري اصلاحاتو او ملکي خدمتونوکمیسیون له خوا په وزارتونو اوادارو کې معرفی او پلې کیږي.
یاده پالیسي د۱۳۹۷کال په ورستیو کې ترتیب او په ۱۳۹۸کال کې تطبیق شوه او ټاکل شوې ده چې په ۱۴۰۰لمریز کال کې په 57 وزارتونو او اداروکې معرفي شي.
