د پلټنې عالي ادارې ټاکل شوي پلاوي؛ د کابل امبولانس امريت او د مکرويانونو د ساتنې او پاملرنې شرکت کې پرانيست غونډې جوړې کړې
د پلټنې عالي ادارې پلاوي، چې پکې د دې ادارې حقوقي سلاکار ښاغلي مولوي الهام الدين عمر، د پوهنې، روغتيا او کلتور د برخې پلټنې رييس ښاغلي عبدالاحد قيومي، د دولتي شرکتونو پلټنې برخې رييس ښاغلي حميد الله فقيري او د پلټنې ډلې غړو ګډون درلود، د ۱۴۴۵ هـ ق کال د جمادي الاول په ۲۷ نېټه د کابل امبولانس په امريت او د مکرويانونو د ساتنې او پاملرنې شرکت کې د پلټنې پرانيست غونډې جوړې کړې.
په يادو غونډو کې د پلټنې عالي ادارې پلاوي، د عامه شتمنۍ ساتنې په موخه، د پلټنې ارزښت، اهميت او د پلټنې څرنګوالي په اړه مسوولينو ته معلومات وړاندې کړل او د پلټنې په بهير کې يې د همکارۍ غوښتنه وکړه.
د يادو ناستو په پای کې مسوولينو د پلټنې ټاکل شوي پلاوی ته د ښه راغلاست ترڅنګ د ادارو پلټنه د بوديجې د سم مصرف په موخه او د اسلامي امارت لوړ پوړو چارواکو ته يې راپور وړاندې کول خورا اړين وګڼل او د پلټنې عالي ادارې له پلټونکو سره يې د پلټنې په بهير کې د همکارۍ ډاډ څرګند کړ.
