د پلټنې عالي ادارې ټاکل شوي پلاوي؛ کانونو او پټروليم وزارت کې د پلټنې پرانيست غونډه جوړه کړه
د پلټنې عالي ادارې پلاوي؛ چې پکې د دفاعي، امنيتي او ټولنيز خونديتوب برخې د پلټنې رييس ښاغلي مولوي محمد غازي جرير،
د ښارواليو پلټنې رييس ښاغلي مولوي محمد حسن موسی زي، د بنسټيزو پروژو، طبيعي سرچينو، اقتصاد او کرنې برخې د پلټنې رييس ښاغلي وحيد الله پويا او د پلټنې ډلې غړو ګډون درلود، د ۱۴۴۵ هـ ق کال د ربيع الثاني په ۱ نېټه د کانونو او پټروليم وزارت مالي او اداري رييس ښاغلي مولوي حسام الدين صابري سره وليدل.
د غونډې په پيل کې د پلټنې عالي ادارې پلاوي، مسوولينو ته د پلټنې عالي ادارې پلټونکي ورپېژندل ورپسې يې د پلټنې په اړه هر اړخيز معلومات وړاندې کړل او د ياد وزارت له مسوولينو يې د پلټنې په برخه کې د همکارۍ غوښته وکړه.
ښاغلي مولوي حسام الدين صابري د پلټنې عالي ادارې پلاوي ته ښه راغلاست ووايه، او د پلټنې عالي اداره يې نورو امارتي ادارو لپاره مهمه ياده کړه، همدارنګه نوموړي په ياد وزارت کې د پلټنې ډلې سره د هر اړخيزې همکارۍ ژمنه وکړه.
