په پروسو او ملي برنامو کې د ښاریانو ګډون یو له هغو بنسټیزو ستنو څخه ده چې د ښاریانو او عامه ادارو ترمنځ د عمومي اعتماد د راوستلو لامل کیږي.

د پلټنې عالي ادارې د مشارکتي ګډو پلټنو په بهیر کې د مدني ټولنو، رسنیو او د ښاریانو د ګډون زمینه برابره کړې ده چې د ښاریانو دغه ګډون د پلټنې عالي ادارې له لوري یو اغیزمن نوښت ده او په طبیعي توګه د خلکو او بنسټونو ونډه پدې لاره کې مهمه او ارزښتناکه ګڼل کیږي.

دپلټنې په پروسه کې د ښاریانو د ګډون عمده موخې د مالي چارو په برخه کې د روڼتیا او ځواب ورکولو ټنګښت او ډیروالی ده، د ولس او ادارو ترمنځ داعتماد پراختیا، پیاوړتیا او د عمومي څارنې اغیزمنتیا او وده رامنځ ته کوي.

مدني بنسټونو، رسنیو او ښاریانو له خوا؛ د شکایتونو او وړاندیزونو په قالب کې د اسنادونو او مدرکونو شریکول، د پلټنې عالي ادارې سره مرسته کوي، تر څو په هغو سیمو کې چې ننګونې شتون لري، رسیدنه وشي او راپوریې د ښاریانو د پوهاوي په موخه خپور کړي، تر څو د ښاریانو پوهاوی ډیر شي او د ادارو مسئولین دې ته اړ شي ترڅو د خپلو کړنو څخه ځواب ورکړي.