د ښاریانو لپاره د پلټنې راپور
د پلټنې عالي ادارې، ګټه لرونکو (ذینفعانو) کې ادارې، سازمانونه، بنسټونه، ښاریان او مختلف خلک شامل دي، د پلټنې عالي اداره هڅه کوي ترڅو په مراجعو کې د اغیزمنو پلټنو د تر سره کولو او د راپورونو د شریکولو له لارې له ګټه لرونکو سره اغیزمنې او ګټورې اړیکې ولري.
د پلټنې عالي ادارې، د ګټه لرونکو یوه برخه ښاریان تشکیلوي؛ ښاریانو ته د معلوماتو او اطلاعاتو د لاسرسي لپاره د پلټنې عالي ادارې مشرتابه اغیزمنې او ګټورې کړنې تر سره کړي دي، چې کولی شي په یوه ځانګړي فارمت کې د ښاریانو لپاره د پلټنې را پور ته اشاره وکړو چې د پلټنې په پروسه کې ښاریانو ګډون کړی او دپلټنې راپور یې خپور شوی ده.
د ښاریانو لپاره د پلټنې را پورونه په ساده روانه او عام فهمه ژبه ترتیب شوي دي او د ټولنیزو رسنیو له لارې د ولس دپوهاوي په موخه خپریږي.
په وروستیو کې د دولت د قطعیه حساب د پلټنې او د کړنو پلټنې ( تفتیش عملکرد ) راپورونه د ښاریانو لپاره د پلټنې راپور په ځانګړي فارمت کې د ښاریانو د پوهاوي په موخه، د ادارې دویپ پاڼې له لارې خپور شوی ده.
