په نړۍ کې دپلټنو عالي ادارې، د مسئوولینو له کړنو څخه ولس ته دځواب ویلو په برخه کې عمده او بنسټیزه ونډه تر سره کوي. او د ادارو مسئوولین مکلف ګڼي، تر څو ولس ته دخپلو کړنو په اړه ځواب ورکړي. چې له نېکه مرغه دافغانستان دپلټنې عالي اداره، دعامه ادارو کړنې او فعالیتونه څاري او پلټنه یې کوي او هغوي اړ ګڼي ترڅو ولس ته دخپلو کړنو څخه ځواب ورکړي. کله چې دعامه ادارو کړنې او فعالیتونه تر پلټنو لاندې نیول کیږي؛ دپایلو رپوټ یي دټولنیزو رسنیو له لارې خپریږي، چې د ولس په خبرولو او پوهاوي کې مهمه ونډه تر سره کړې ده.
په همدې توګه که چیرې ښاریان په عامه ادارو کې له کومې ستونزې سره مخ شي او یا کومه نیمګړتیا وویني ، کولی شي دشکایتونو دثبت فورم له لارې، او یا دشکایتونو صندوق چې دپلټنې په عالي اداره کې شتون لري خپل شکایت او ړاندیز ثبت کړي ، تر څو دپلټنې عالي اداره هغه وڅیړي او پلټنه یې وکړي او رپوټ یې دټولنیزو رسنیو له لارې د ولس دپوهاوي په موخه خپوراو شریک کړي .