دپلټنې عالي ادارې د نیالګیو کینولو ملي ورځ ولمانځله
د پلټنې عالي ادارې د جمهوري ریاست عالي مقام د حکم د تطبیق په موخه د کب شلمه دنیالګیو کینولو کامپاین ملي ورځ ، د ادارې د مشرتابه پلاوي، رئیسانو او کارکوونکو په ګډون د ادارې په انګړ کې د نیالګیو په کینولو سره دا ورځ ولمانځله.
دا په داسې حال کې ده چې د جمهوري ریاست محترم مقام د نیالګیو کینولو فرهنګ د رواجولو لپاره، د کب شلمه د نیالګیو ایښودلوملي ورځ نومولې ده او د حکم په صادرولو سره یې په مرکز او ولایتونو کې ټول وزارتونه، دولتي ادارې، تعلیمي، زده کړییز، نظامي او ملکي بنسټونه مکلف کړي تر څو پدې کامپاین کې برخه واخلي.
