د پلټنې عالي ادارې نویو مقرر شویو کارکونکو ته د کمپیوټري زده کړو او بنسټونو ښوونیز پروګرام جوړ شو
د پلټنې عالي ادارې د مسلکي وړتیا لوړولو ریاست د کارکونکو د مسلکي پوهې د لوړولو په پار د زده کړیزو پروګرامونو په لړ کې دا ځل د ۱۴۴۵ هـ ق کال د ربیع الاول په ۸ نېټه د کمپیوټري زده کړو او بنسټونو ښوونیز پروګرام تر عنوان لاندې نویو مقرر شویو کارکونکو ته زده کړیز پروګرام جوړ کړ.
د مسلکي وړتیا لوړولو ریاست رییس ښاغلي سیدرحمن رحمن یاد پروګرام د دې ادارې کارکونکو لپاره ارزښتمن وباله او له ګډونوالو یې غوښتنه وکړه، چې ددې پروګرام درسونه په خپلو کاري اولویتونو کې وګڼي.
