د عامه سکټور د تصدیق شوي پلټونکي ښوونیز پروګرام ازموینه واخیستل شوه
د پلټنې عالي ادارې د مسلکي وړتیا لوړونې ریاست له لوري د عامه سکټور تصدیق شوي پلټونکي (CPSA) تر عنوان لاندې د جوړ شوي ښوونیز پروګرام، چې د دې ادارې او نورو وزارتونو او امارتي ادارو د کورنۍ پلټنې ریاستونو ۲۲ تنو پلټونکو پکې ګډون کړی و، د ۱۴۴۵ هـ ق کال د شوال المکرم په ۱۲ نېټه د مسلکي وړتیا لوړونې رییس ښاغلي سیدرحمن رحمن او د دې ریاست د ښوونکو په شتون کې یې د درسي بهیر له بشپړېدو وروسته ازموینه واخیستل شوه.
د عامه سکټور تصدیق شوي پلټونکي ښوونیز پروګرام د دریو سمسترونو درلودونکی و، چې په لومړي سمسټر کې یې تدریس په دوهم او درییم سمسټر کې یې څېړنه شامله وه په ټاکلي وخت کې بشپړ شو، موخه یې د پلټنې عالي ادارې د پلټونکو او نورو امارتي وزارتونو او ادارو د کورنۍ پلټنې ریاستونو د پلټونکو وړتیا لوړونه وه.
