پلټنې عالي اداره کې پنځه تنه نوي رئیسان معرفي شول !
د افغانستان اسلامي امارت د ریاست الوزارء د بیلا بیلو حکمونو پربنسټ، د پلټنې عالي اداره کې نوي رئیسانو پر دندو کار پېل کړ او د پلټنې عالي ادارې عمومي رئیس محترم مولوي قدرت الله جمال له لوري چې د ادارې مرستیالان محترم مولوي عزت الله حقاني او محترم نجیب الرحمن رحماني، د ادارې ارشد سلاکار فضل الله نظا مي او د ادارې مشرتابه پلاوي هم حضور درلود، نن یکشنبه د ۱۴۴۳قمري کال د رجب د میاشتې په ۱۱نیټه، د یویې غونډې په ترڅ کې د ادارې کارکونکو ته ور وپیژندل شول.
محترم نویدالله امان چې د اقتصاد په برخه کې د ماسټرۍ تر کچې لوړې زده کړې لري د 03/07/1443 نیټې (1114) شمیرې حکم پربنسټ په دویمه رتبه بست کې د معلوماتي ټکنالوجۍ د پلټنې ریاست سرپرست رئیس په توګه
، محترم خلیل الله حکیمی چې د عامه ادارې په برخه کې د ماسټرۍ ترکچې لوړې زده کړې لري د (1115) شمیرې حکم پربنسټ په دویمه رتبه بست کې د پلټنې د راپورونو د شننې ( تحلیل)ریاست د سرپرست رئیس په توګه
، محترم فضل محمود غیاثی چې د حقوقو په برخه کې د لیسانس تر کچې لوړې زده کړې لري د (1116) شمیرې حکم پر بنسټ په دویمه رتبه بست کې د قطعیه حساب د پلټنې ریاست د سرپرست رئیس په توګه
، محترم وحیدالله پویا چې د ماسټرۍ ترکچې پورې لوړې زده کړې لري د 06/07/1443 نیټې د (1145) شمیرې حکم پر بنسټ په دویمه رتبه بست کې د زیر بناوو او طبیعي سرچینو، اقتصاد اوکرنې سکټور د پلټنې ریاست سرپرست رئیس په توګه
او محترم امین الله یونسي د 06/07/1443 نیټې(1146) شمیرې حکم پر بنسټ په دویمه رتبه بست کې د فورنسیک او ځانګړې پلټنې ریاست د سرپرست رئیس په توګه معرفي او پردندو یې کارپېل کړ.
غونډه د قرآن عظیم الشان د مبارکو آیاتونو په تلاوت سره پیل او ورپسې ښاغلي مولوي قدرت الله جمال نوي ګمارل شویو رئیسانو ته د مبارکۍ ویلو ترڅنګ زیاته کړه چې خپلو دندو ته جدي پاملرنه وکړي او وویل چې په اوسیني وضعیت کې اړتیا لیدل کیږي ترڅو د ګران هیواد په ودانولو او پرمختګ کې یو ارزښت ناکه ونډه ترسره کړو.
ورپسې د ادارې محترمو مرستیلانو هریوه په خپل نوبت سره دغه اړونده ریاستونه په دې اداره کې بنسټیز او مهم وګڼل او هغوي ته یې په ورسپارل شویو چارو کې د بریالیتوب هیله وکړه او څرګنده یې کړه چې د ادارې د مشرتابه ملاتړ به له دوي سره وي.
په همدې لړ کې نویو ګمارل شویو رئیسانو هریوه په خپل نوبت سره د ریاست الوزراء عالي مقام او د پلټنې عالي ادارې د مشرتابه له باور او اعتماد څخه مننه وکړه او ژمنې وکړې چې ورسپارل شوې د ندې به په پوره صداقت سره تر سره کړي او د ادارې د پرمختګ او پیاوړتیا په برخه کې به هڅې وکړي.
