د پلټنې عالي ادارې نوی رئیس معرفی شو!
د افغانستان اسلامي امارت د امیر المومنین حفظه الله د۲۸/۷/۱۴۴۳ نیټې د ( ۳۵۸) شمیرې فرمان پر بنسټ ، ښاغلی شیخ سید رسول صاحب د افغانستان اسلامي امارت د چارو ادارې رئیس شیخ نورالحق له لوري چې د پلټنې عالي ادارې د مالي چارو او تقنیني سندو د رعایت پلټنې مرستیال ښاغلی مولوي عزت الله حقاني ، د مالي او اداري چارو مرستیال، محترم نجیب الرحمن رحماني ، د ادارې ارشد سلاکار ښاغلی فضل الله نظامي ، او د ادارې نورو مشرتابه هم حضوردرلود د غوڼدو په تارلار کې د یو ځانګړې غوڼدې په ترڅ کې د دې ادارې کارکونکو ته معرفی شو.
غونډه د پلټنې عالي ادارې د دفتر رئیس قاري عبدالحق احساس له خو ا د قرآن عظیم الشان په مبارکو آیاتونو سره پېل او ورپسې ښاغلي شیخ نورالحق د شیخ سید رسول صاحب د ګمارنې حکم قرائت کړ او نوموړي ته یې د دندې د مبارکۍ ویلو تر څنګ زیاته کړه، د اسلامي امارت مشرتابه هغه کسان په کلیدي بستونو کې په دندو ګماري چې ریښتنې او باتجربه وي او دغه ګمارنې د دوي پر غوښتنه نه بلکه د افغانستان اسلامي امارت د لزوم دید پر بنسټ تر سره کیږي ، چې د اسلامي امارت په رهبري کې له بشپړ اعتماد څخه برخمن وي. د چارو ادارې رئیس د پلټنې عالي ادارې نوي ګمارل شوي رئیس ته یې په چارو کې د لوی څښتن تعالی له درګاه څخه د بریالیتوبونو هیله وکړه.
پدې لړ کې ښاغلی شیخ سیدرسول صاحب د افغانستان اسلامي امارت د مشرتابه له باور او اعتماد څخه مننه وکړه او دپلټنې کار یې له ملي شتمنۍ څخه د خیانت مخنوی اوساتنه یاده کړه او څرګنده یې کړه ، موږ باید داسې کار او هڅې وکړو چې د نړۍ د ځواکمنو هیوادونو سره ځان یو ځای کړو او دا کار هغه وخت شوڼی دی چې په کارپوه تحصیل یافته او صادقه کاري نیرو ولرو.
ورپسې محترم مولوی عزت الله حقانی د پلټنې عالي ادارې مرستیال، شیخ صاحب رسول ته یې د نوي د ندې مبارکي وویله او زیاته کړه: شیخ صاحب د اسلامي امارت په چوکاټ کې یو له با تجربه کسانو څخه دی او نوموړی د اقتصاد او سیاست په برخو کې لازمه کاري تجربه لري او ژمنه یې وکړه چې د پلټنې عالي ادارې ټیم به په خپل ټول توان سره له ده سره همکاروي.
د یادونې وړ ده چې ښاغلی شیخ سید رسول صاحب مخکې له دې څخه د افغانستان اسلامي امارت د قطر په سیاسي د فتر کې د غړي په توګه دنده تر سره کوله . او همدارنګه مخکې له شیخ سید رسول صاحب څخه د پلټنې عالي ادارې ریاست د محترم مولوي قدرت الله جمال پر غاړه وه.
