دپلټنې عالي ادارې عمومي رئیس ؛ دکړنو او چاپیریال د پلټنې ریاست رئیس دادارې مشرتابه ته وروپیژنده

د ۱۳۹۹ لمریز کال دوري په  30 نیټه محمد نعیم حقمل  دپلټنې عالي ادارې رئیس دمرستیالانو اوددې ادارې داړونده برخو رئیسانو په ګډون په یوه پرانیسته فضا کې ښاغلی سمیع الله سباوون  یې دکړنو او چاپیریال دپلټنې ریاست د رئیس په توګه وروپیژنده.
او څرګنده یې کړه : پدې اداره کې دکدرونو په ګمارنې سره دا دي اوس ښاغلي سباوون  چې پدې برخه کې تجربه او مسلکي وړتیا لري  تاسو ته در پیژنم او د ادارې له کارکونکوڅخه هیله مند یم چې  په کاري او مسلکي برخو کې ورسره همکاري وکړئ.
ورپسې دادارې مسلکي مرستیال فضل هادی فضل وویل:  دپلټنې په برخه کې دښاغلي سباوون تیره کاري او مسلکي تجربه موږ هیله مندوي چې دکړنو دپلټنې په برخه کې به یو مثبت بدلون راولي چې موږ پدې برخه کې ورسره په هرقدم کې همکاریو.
مجیب الرحمن شیرزاد د ادارې مالي او اداري مرستیال دکړنو دپلټنې نوی ګمارل شوی رئیس  لومړي دې ته وهڅوه تر څو په سایټ کې  چې کوم اطلاعات ، دتشکیل ، استراتیژیک پلان او دکړنو دپلټنې لارښودونو په اړه خپاره شوي په غور سره وګوري؛ چې له مخې وکولی شي مسلکي او ګټور کارونه تر سره کړي.
په  اخیر  کې سمیع الله سباوون  دکړنو دپلټنې رئیس په اوږد مهاله او لنډ مهاله کې دکړنو دپلټنې په اړه خپله ژمنتیا  دکړنو دپلټنې د دری اصلو سره سم چې اغیزمنتیا ،ګټورتیا، او اقتصادیت دي  څرګنده کړه اووویل: هڅه به وکړو تر څو په عامه شتمنۍ کې دروڼتیا او اغیزمنتیا  رامینځته کولو موخو ته  د ادارې تر مشرې لاندې ځان ورسوو.
دیادونې وړ ده چې ښاغلی سمیع الله سباوون  خپلې زده کړې دماسترۍ تر کچې پورې پای ته رسولي او د پلټنې په برخه کې څلورکلنه کاري تجربه لري.