د پلټنې عالي ادارې ټاکل شوي پلاوي؛ د کابل پوهنتون رياست کې د پلټنې پرانيست غونډه جوړه کړه
د پلټنې عالي ادارې پلاوي، چې پکې د دې ادارې د دعوت او ارشاد رييس ښاغلي مولوي عيسی خان راهب، د پوهنې، روغتيا او کلتور برخې د پلټنې رييس ښاغلي عبدالاحد قيومي او د پلټنې پلاوي نورو غړو ګډون درلود، د 1445 هـ ق کال د رجب المرجب په 5 نېټه د کابل پوهنتون رياست مرستيال ښاغلي الحافظ عبيد الله عبيد او د ياد رياست له نورو مسوولينو سره د پلټنې پرانيست غونډه جوړه کړه.
په ياده غونډه کې ټاکل شوي پلاوي، د پلټنې عالي ادارې په صلاحيتونو، مسووليتونو ، موخو تر پلټنې لاندې ادارو او د پلټنې څرنګوالي په اړه پوره معلومات وړاندې کړل او د کابل پوهنتون رياست له مسوولينو يې د پلټنې په بهير کې د همکارۍ غوښتنه وکړه.
د غونډې په دوام د کابل پوهنتون رياست مسوولينو د پلټنې په برخه کې د لازمو معلوماتو او د اسنادو برابرولو ډاډ څرګند او د هر ډول همکارۍ ژمنه يې وکړه.
