د ښاریانو دګډون چاروته درسیدلو کمیټې ناسته
د پلټنې عالي ادارې مسلکي مرستیال تر نظر لاندې د۱۳۹۸کال دتلې دمیاشتې پر دوهمه نیټه چې د۲۰۱۹/۱۰/۲۴زیږدیزکال سره سمون لري دادارې په مطبوعاتي تالار کې دښاریانو دګډون چاروته درسیدلو کمیټې دوهمه ناسته تر سره شوه اوخپلې کاري برنامې سره شریکې کړې.
په پیل کې دښاریانو دګډون چاروته درسیدلو کمیټې رئیس وویل: یو ګتور ،اغیزمن او ځواب ویونکی حکومت دښاریانو او مدني ټولنو استازو له ګډون پرته ؛ مفهوم نلري. نو له همدې امله دپلټنې عالي ادارې دخلکو ګډون دپلټنې په پروسه کې پیل کړ.
ددغې کمیټې د پرله پسې غونډو په دوام سره ؛ نن ورځ ددغې کمیټې دلومړۍ ناستې دپریکړو دتطبیق درپوټونو په اړه خبرې اترې وشوې او ددغې کمیټې دغړو له معرفي ورسته داجندا سره سم دادارې حقوقي سلاکار دمشارکت دکمیټې دمرستیال په توګه ورسته له دې چې ددغې کمیټې له غړو څخه نظر غوښتنه وشوه وټاکل شو تر څو دکمیټې درئیس په نه شتون کې ددغې کمیټې چارې پرمخ بوزي.
همدارنګه دغونډې په لړ کې ښاغلي فضل وویل: لازمه ده تر څو دکمیټې غړي دپلټنې په پروسه کې دخلکو دګډون داغیزمنتیا په خاطر له مدني ټولنو اوله رسنیو سره ناستې تر سره کړي او همدارنګه پدې اداره کې او د ولایتونو په سیمه ایزو ریاستونو کې دشکایتونو دصندوقونو دنصف په اړه او درسنیو له استازو سره ناستې تنظیم او دګډون په اړه یې په دې پروسه کې لاپاملرنه وشي تر څو دغه پروسه له پراخې دامنې څخه برخورداره شي.
پدې غونډه کې دپلټنې په پروسه کې دخلکو عامه ګډون آمریت دعملیاتي پلان او همدارنګه ددغه آمریت داجرایوی طرزالعمل دلا غنی کیدلو په اړه بحث او دنظرونو تبادله تر سره شوه.
دا په داسې حال کې ده چې دپلټنې عالي اداره دځواب ویلو دفرهنګ درواجولو په خاطر په ورستیو کې مدني ټولنې او رسنۍ چې دخلکو څخه استازیتوب کوي .دپلټنې په پروسه کې شریک کړي دي.
