د ښاریانو د اعتماد په ډیروالي کې د ګډو (مشارکتي ) پلټنو ونډه
پلټنه د سندونو اومدرکونو د راټولولو او ارزونې یوه قانوني پروسه ده، چې د عامه ادارو فعالیتونه اوکړنې تر پلټنو لاندې نیسي، او راپور یې د ولس دپوهاوي په موخه خپریږي. نو له همدې کبله؛ د پلټنې عالي اداره کولی شي د ښاریانو او ادارو په ځانګړې توګه د پلټنې عالي ادارې تر مینځ د عمومي اعتماد په رامینځته کولو کې، مهمه او اغیزمنه ونډه تر سره کړي.
د پلټنې عالي اداره، د ادارو فعالیتونه اوکړنې او د خپلو پلټنو څخه لازم اطلاعات، د پلټنې د راپورونو دخپرولو له لارې دښاریانو په واک کې ورکوي چې له دې طریقه د ولس او ادارو تر مینځ واټن له مینځه ځي او اعتماد رامینځته کیږي.
له بل پلوه ښاریان د مراجعو د بیلابیلو موضوعګانو، د ستونزو او ننګونو په شریکولو سره، د وړاندیزونو او شکایتونو په قالب کې د ویب پاڼې د شکایتونو د فورم او د شکایتونو د صندوق له لارې چې د پلټنې عالي ادارې په مرکزي دفتر کې نصف شوی ده، د عمومي اعتماد په رامینځته کولو کې مهمه او اغیزمنه ونډه لرلی شي، چې د ښاریانو شکایتونه او وړاندیزونه د مدني بنسټ استازو په حضور تر پلټونو لاندې نیول کیږي او پایلې یې خپریږي.
