په روڼتیا او حساب ورکونه کې د ښاریانو ونډه

دپلټنې عالي ادارې، د خلکو او دعامه سکټورترمنځ  دپیژندنې اود باور د رامنځته کولو په موخه یو چوکاټ رامنځته کړي چې له مخې  ښار یان کولی شي  په عامه سکټور کې  دکړنواو فعالیتونو نیمګړتیاوې، دفساد لاملونه او هغه ستونزې چې دلیدو وړ دي او پلټنو ته اړتیا لري ، هغه د یو وړاندیز او شکایت په توګه ثبت کړي  او رسیدنه ورته وشي.  
دیو ځواب ویوونکي، حساب ورکوونکي او همدارنګه دفساد څخه د یو پاک او سپېڅلي دولت  تمه هغه وخت کیدلی شي  چې دولت  په مستقیمه توګه دهیواد له وګړو سره په اړیکه کې واوسي  او دا هغه وخت شوڼې ده چې  ښاریان دیو مسئوول انسان په توګه،  کله چې په عامه سکټورکې دستونزو، نیمګړتیاوو اود فساد لاملونو سره مخ کیږي دیو مسئوول پلټونکي او څاروونکي په توګه یې پروړاندې ودریږي او کړنې تر سره کړي او هغه له اړونده بنسټ سره شریکې کړي او د عامه سکتورپه ځواب ویلو او روڼتیا کې بنسټیزه ونډه  تر سره کړي .  
چې په دې لاره کې د پلټنې عالي ادارې د ښاریانو دشکایتونو او وړاندیزونو دثبتولو او وړاندې کولو لپاره په آنلاین اود شکایتونو دصندوق له لارې په لیکنې بڼه سرچینې رامنځته کړي دي .