د پلټنې عالي ادارې او د ترکیې هیواد د محاسباتو دیوان ترمینځ د ګډو همکاریو په اړه خبرې اترې وشوې
مجیبالرحمن شیرزاد د پلټنې عالي ادارې مالي او اداري مرستیال، د ۱۳۹۸ لمریز کال د زمري د میاشتې په اومه نیټه د دوشنبه په ورځ چې د ۲۰۱۹ زیږدیز کال د جولای له ۲۹ سره سمون لري، د یو انځوریزې اړیکې په ترڅ کې د ترکیې هیواد د محاسباتو دیوان له ځینو منسوبینو سره خبري اترې وکړې، دغه ناسته د ترکیې هیواد د محاسباتو د نړیوالو اړیکورئیس، دتربیوي مرکزرئیس او نورومنسوبینو اوهمدارنګه د پلټنې عالي ادارې مالي او اداري مرستیال او د ادارې دمقام سلاکار عباس هویدا په حضور ترسره شوه. پدې ناسته کې دواړو خواو په نژدې راتلونکې کې د دولتي ادارو د مالي پلټنې په برخه کې د کارکونکو د وړتیا د لوړوالي په اړه خبرې اترې او څرګندونې وکړې.
په پیل کې ښاغلي شیرزاد د پلټنې عالي ادارې دکارکونکو لپاره د وړتیا د لوړوالي د برنامې اود پرمختګ د څرنګوالي په اړه یې معلومات وړاندې کړل او وویل چې د پلټنې عالي ادارې تل هڅه کړې ترڅو معیاري او دقیقه پلټنه ترسره کړي، نو په همدې موخه مو د کارکونکو دوړتیا د لوړوالي لپاره ډیرې برنامې به پام کې نیولي دي.
هغه زیاده کړه! چې د مالي پلټنې او نورو برخو کې دکارکونکو زده کړې هغوي سره مرسته کوي ترڅو مسلکي مسایلو سره برخورد وکړي او دپلټنې نړیوال استندردونه او معیارونه د پلټنو په چارو کې په پام کې ونیسي.
ښاغلي شیرزاد د ترکیې هیواد دمحاسباتو دیوان له مشرتابه څخه مننه وکړه چې له دې ادارې سره یې تل همکارۍ کړی اووویل : دپلتنې عالي ادارې دکارکونکو دوړتیا لپاره په راتلونکي کلونوکې ډیرې زده کړئیزې برنامې په پلان کې نیولي دي، اود دغو برنامو دتطبیق لپاره د همکارو هیوادونو ملاتړ ته اړتیا ده.
په اخر کې د ترکیې هیواد د محاسباتو دیوان د تربیوي مرکز رئیس د ادارې له مشرتابه څخه مننه وکړه، او د ادارې دکارکونکو د وړتیا د لوړوالي په لاره کې د پلټنې عالي ادارې فعا لیتونه وستایل او له دې ادارې سره یې دهرډول همکاریو ژمنه وکړه.
دا په داسې حال کې ده چې ټاکل شوې ده د ۲۰۱۹ کال د اګست په میاشت کې د دغې ادارې۱۲ تنه پلټونکو لپاره یوه زده کړئیزه برنامه په لاره واچول شي او دغه پروسه پرهمدې لیول ادامه پیدا کړي.
