د پلټنې عالي ادارې مشرتابه پلاوي او د ولسي جرګې مالي او بودجې کمیسیون رئیس او غړو تر مینځ غونډه تر سره شوه
د پلټنې عالي ادارې عمومي رئیس؛ د یکشنبي په ورځ د ۱۳۹۹ لمریز کال د وږې میاشتې په دیرشمه نیټه، د ۱۳۹۸ مالي کال د قطعیه حساب د راپور او ددې ادارې د نورو راپورونو په اړه چې د مالي او د تقنیني اسنادو د رعایت پلټنو مرستیال، د راپورونو د شننې رئیس، د قطعیه حساب د پلټنې او پارلمان سره د اړیکو رئیس، هم حضور درلود د مالي او بودجې د کمیسیون د غونډو په تالار کې ګډون وکړ.
د غونډې په پیل کې ښاغلي الحاج میر افغان صافي ؛ دولسي جرګې د مالي او بودجې کمیسیون رئیس، د پلټنې عالي ادارې مشرتابه ته یې هرکلی ووایه او ورپسې ښاغلي محمد نعیم حقمل ؛ د پلټنې عالي ادارې عمومي رئیس د دولت قطعیه حساب په اړه په لنډه توګه معلومات وړاندې کړل او ویې وویل: ددې ناستې موخه د ۱۳۹۸مالي کال د قطعیه حساب او د پلټنې عالي ادارې د نورو راپورونو په اړه لنډې څرګندونې چې پکښې د قوانینو او مقرراتو درعایت پلټنې، دکړنو پلټنې، مالي پلټنې او د معلوماتي ټکنالوژۍ د پلټنې راپورونه شامل دي، هغه پلټنې چې دپلټنې عالي اداره یې ترسره کوي د پیژندلو په موخه یې بیلا بیلې برنامې او د راپورونو د وړاندې کولو په اړه یې د پرزینتیشن وړاندې کول اود مالي او بودجې کمیسیون سره د اړیکو د میکانیزم طرحې په اړه د محترمو وکیلا نو نظر اخیستل دي.
د غونډې په لړ کې د پلټنې عالي ادارې رئیس او د مالي او د تقنیني اسنادو د رعایت پلټنو مرستیال د ۱۳۹۸مالي کال د قطعیې حساب په اړه د پلټنې عالي ادارې رئیس د نظر څرګندونو او په راپور کې د یادو موندنو په اړه لنډې څرګندونې وکړې، د محترمو وکیلانو پوښتنو په اړه قناعت بښونکي ځوابونه ورکړل شول او دې پریکړې ته ورسیدل ترڅو د ۱۳۹۸مالي کال قطعیه حساب او نورو راپورونو په اړه دلا ډیرو معلوماتو په موخه پریزنتیشن وړاندې شي .
ښاغلي حقمل څرګنده کړه چې پدې اړه د پلټنې عالي ادارې له مخکې څخه لازم تدابیر په پام کې نیولي تر څو فعالیتونه اغیزمن اووسي، له محترمو وکیلانو څخه د پلټنې عالي ادارې غوښتنې دادي تر څو د قطعیه حساب راپوراودپلټنې نور راپورونه په جدي توګه تر بحث او تعقیبولو لاندې ونیسي.
همدارنګه فضل هادی فضل؛ دمالي او د تقنیني اسنادو درعایت پلټنو مرستیال څرګنده کړه، سره له دې چې سږکال له پرله پسې محدودیتونو سره مخ و ؛ موږ وکولی شول چې، د قطعیه حساب راپور د مخکینیو کلونو په پرتله په معیاري توګه ترتیب او وړاندې کړو.
د غونډې په لړ کې، د ولسي جرګې د مالي او بودجې کمیسیون محترم رئیس د پلټنې عالي ادارې د راپورونو له چمتو کولو څخه خوښي څرګنده کړه اووویل : دا راپورونه دموږ لپاره ډیر اړین او حیاتي دي موږبه ددې راپورونو له مخې ټولې ادارې تر پوښتنو لاندې ونیسو. د پلټنې عالي ادارې دراپورونو په اړه زده کړېیزې برنامې د کمیسیون دسکرتریت او غړو لپاره به ډیرې ګټورې تمامې شي. دولسي جرګې دمالي او بودجې کمیسون سره د اړیکو د میکانیزم ترتیب به د چارو پرمخ وړلو کې مرسته وکړي.
دغونډې په پای کې، د پلټنې عالي ادارې عمومي رئیس یاد کمیسیون سره ژمنه وکړه چې تر څو په نژدې راتلونکې کې د راپورونو او پکښې د یادو موندنو په اړه د لاډیر وضاعت په موخه بیلابیل پرزینتیشنونه به کمیسیون لپاره چمتو او وړاندې کړي . له ولسي جرګې / دمالي اوبودجې کمیسیون سره داړیکو دمیکانیزم طرحه به ډیر ژر ترتیب او دمحترمو وکیلانو دنظر اخیستلو په موخه به راولیږل شي.
